નાણાપ્રધાન પ્રણવ મુખર્જી નાસંકેત - પેટ્રોલ ડીઝલ ગેસનાભાવમાંવધારો

દેશના નાણાપ્રધાન પ્રણવ મુખર્જીએ અગાઊ પેટ્રોલ-ડીઝલ તથા ગેસના ભાવમાં વધારો કરવાનો સંકેત આપ્યો હતો. અને તે માટે સરકાર સમક્ષ માંગણી પણ કરી હતી પરંતુ તે સમયે આ વધારો મોકૂફ રાખવામાં આવ્યો હતો.

પરંતુ હવે લિબિયા પરની કટોકટીને આગળ ધરીને ક્રૂડ પેદાશોના ભાવમાં વધારો કરવાનું પુનઃ ઊચ્ચારણ કર્યું હતું.

નાણા પ્રધાન પ્રણવ મુખર્જીએ એક તરફ લોકસભામાં હેલ્થ કેરનો ટેકસ પાછો ખચવા તથા ગારમેન્ટ પરનો એકસાઇઝ દર ઘટાડવાની જાહેરાત કરી હતી તેની બીજી તરફ માઘવારી વધારવાનો પણ સંકેત આપી દીધો હતો.

લિબિયા કટોકટી ઘેરી બની રહી છે તેને આગળ ધરીને તેમણે આગામી સમયમાં પેટ્રોલ,ડીઝલ અને ગેસના ભાવમાં વધારો કરવાની સંભાવવાનો અછડતો નિર્દેશ જાહેર કરી દીધો છે.

સાથે સાથે જણાવ્યું હતું કે ક્રૂડ તેલના ભાવમાં જે વધારો થયો છે તેના લીધે ઘર આંગણે અમુક ચીજ વસ્તુઓના ભાવમાં વધારો થવાની પૂરી સંભાવના વ્યકત કરી હતી.

ક્રૂડ તેલના ભાવમાં લિબિયાની કટોકટીના કારણે ૧૧૦ ડોલરની ઊપર રહ્યા છે. આ ઊપરાંત ક્રૂડ ઓઇલ ઊત્પાદન કરતી કંપનીઓ લાંબા સમયથી પેટ્રોલ, ડીઝલના ભાવ વધારવા માટે સરકાર પાસે અવારનવાર માંગણી કરી રહી છે.

પરંતુ સરકારે હજુ આ ભાવવધારાને લીલી ઝંડી આપી નથી.પરંતુ એવું માનવામાં આવી રહ્યું છે કે તા.૨૫મીના રોજ સંસદના બજેટ સત્રમાં પ્રથમ તબક્કાનો અંત આવશે અને તેની સાથે જ સરકાર પેટ્રોલ-ડીઝલ અને ગેસના ભાવવધારાનો કડવો ડોઝ આપી દેશે તેવું હાલ માનવામાં આવી રહ્યું છે.